鳥棲日本料理 (已結業)

位於觀塘工廈嘅小店藍桔富士山🗻杯飲品一嚟到真係嘩一聲 上面係一個雪到好硬嘅雲呢拿雪糕 而下面就係藍色嘅梳打水有啲似葡萄適味，呢杯飲品真係好特別啊 入邊仲有一粒野會令到個杯變色 之後個雪糕溶咗仲似富士山呀！安格斯泥講 係薄左啲嘅 同埋上桌有啲凍左；唯一係啲菜好新鮮仲可以點去芝麻醬食芝士明太子玉子燒，呢個有驚喜，面頭有好多明太子，但中間有啲溶咗嘅芝士，加埋啲明太子一齊食，中和左個鹹味，啱啱好，細細舊一口一啖哈哈壽喜牛肉鍋，上面有好多配料，有啲似吉野家打邊爐，好足料，啲蔬菜好新鮮，店員仲教我地滾起左之後，將隻雞蛋發均，淋上個鍋度，但係我都係鍾意傳統嘅食法，將熟咗嘅牛點啲雞蛋，再點下個芝麻醬，最鍾意食入面嘅粉絲，索哂壽喜燒醬汁，甜甜地，再加啲芝麻醬，其實芝麻醬先係個鍋嘅靈魂啊，因為芝麻醬點咩都係咁好食㗎（同吉野家分別不大，想抵制吉野家嘅就可以試吓呢間哈哈！）燒雞軟骨，鹽燒牛舌次次去親日本餐廳都會嗌呢兩樣，雞軟骨真係無得輸，燒到啱啱好，加埋檸檬汁真係食幾多都得！