Lab Eat Bistro (豉油街) (已結業)

行過豉油街經常都會經過呢間lab eat，今日終於嚟試下，入到去餐廳裝修係走工業區，空間感十足。另外值得一題係，店員嘅服務都好友善，好熱情咁推介餐牌上面嘅菜式比我地。媽咪炒蟹第一次食到媽咪麵嘅菜式，充滿童年回憶。軟殼蟹炸到酥脆可口，碟上鋪滿脆脆既媽咪面，仲可以放入紙袋加上媽咪麵昧粉一齊shake，有創意又過癮。火炙長臂蝦海膽醬櫻花蝦意大利飯長臂蝦經火炙後帶有焦香味，肉質鮮甜彈牙，意大利飯嘅質感軟硬適中，配上香濃既海膽醬，令人胃口大開。特選級牛臀肉上蓋扒平時鋸扒一般都係食西冷或者肉眼，呢個部位比較少食，原來係連接牛腰同臀部嘅位置。食落油脂分布平均，仲有香濃嘅肉味，配菜薯蓉亦都十分出色。Tropical Sunshine & Lychee Lemonade 餐廳除咗提供唔同嘅菜式，仲有多款特式有酒精/冇酒精飲品。我特別鍾意呢杯Tropical Sunshine，有清香嘅果味，酒味亦唔會過濃，好適合夏天飲。