手拉麵小廚

營業中

休息中

今天中午都 openrice 上看見這間食店，看到其中一個食評指出這店的小籠包是他食過最好食的小籠包。我和同事本著半信半疑的態度，就由五芳街行到衍慶街試一試。我本身在網上已經一早諗定食咩，一坐低就直接叫了花鵰醉雞、回鍋牛肉客飯、小籠包，而我同事亦分別叫酸辣湯麵同羊xx麵，由於我無試依兩個，所以不便置評。先說說小籠包，皮薄之餘也不易穿，讚！內裡的豬肉吸收了湯的味道，最重要是沒有雪味，我估應該是新鮮肉做的，讚！但肉不夠實，令小籠包不夠挺身，外觀稍為影響了。總括而言，小籠包有90分花鵰醉雞方面，酒味夠、雞也嫩滑，杞子的配搭亦不錯。只係雞件的肉較少，85分。回鍋牛肉客飯，味道濃，比較適合我，如果辣啲會更好！80分如果下次再去，我會選擇夜晚搵多幾個人去試埋其他野。