鴨仔冰室 (已結業)

接老婆放工，順便食埋晚飯。觀塘多美食，尤其在工廠區附近。行過鴻圖中心，見有間餐廳，叫鴨仔冰室，名字特別，同老婆入去試試。睇睇餐牌， set dinner價錢貼地，立刻order。二人點了慢煮南瓜燒雞胸雜菜沙律、烤蕃茄煙肉腸燉牛肉飯及鴨仔鐵板招牌雜扒。先上南瓜忌廉湯，味道鮮甜。雜菜沙律非常大份，雞胸肉嫩滑，配上甜甜南瓜，非常開胃。鐵板雜扒非常大份，配上洋蔥汁，吱吱聲童年回憶返晒嚟。每種扒都非常大件，香腸長度長過手板，加埋意粉，非常飽肚。燉牛肉飯亦不俗，牛肉份量多，油份少，算係健康之選。埋單約300多元，性價比不俗。