影片
更多
2014-02-13
1261 瀏覽
工廠區食飯都唔平,有o的要四,五十蚊,觀塘區工廈有o的貴得離譜o既餐廳,二樓都冇得平呀!之前聽人講話新蒲崗新科技廣場隔離條巷有間餐廳午飯時間要排隊,應該係幾好食,上星期六打算去睇下 Mikiki 商場賀年裝飾,所以就黎左附近呢間餐廳午餐當日星期六下午大約兩點半,已經過左繁忙時間,見到較少客人,睇完餐牌叫左咖哩香茅豬扒飯同埋椒鹽鯇魚腩好多茶餐廳都係預先炸好塊豬扒,無論係鮮茄,白汁抑或豉油汁都係o個塊野,下午茶時間碟頭飯$35仲有野飲,要左即磨咖啡,一大塊幾靚o既豬扒,一碗飯裝落去,食碗面反碗底估唔到食咖哩都有堆生菜,咖哩汁係分開用碗上,呢樣野其實好緊要架,食客可以自己鍾意每次食幾多份量,若果食食下覺得好辣可以唔落咖哩,想辣又可以成碗倒落o的飯,另外估唔到呢碗咖哩竟然有兩大件薯仔,薯仔唔平架,真係驚喜! 咖哩汁幾靚,類似五,六十蚊南亞餐廳o個o的咖哩,應該係有椰漿加左落去,唔係用咖哩粉開通常香港食到o既咖哩可以分開三種,有椰漿通常黎自星馬泰南洋一帶,若果覺得甜甜地有生果味就黎自日本,如果香料味好重就真係印度或者巴基斯坦,好似佐敦阿龍咖哩係巴基斯坦印度咖哩,佢地唔會落薯仔紅蘿蔔,只會落洋葱加
之前聽人講話新蒲崗新科技廣場隔離條巷有間餐廳午飯時間要排隊,應該係幾好食,上星期六打算去睇下 Mikiki 商場賀年裝飾,所以就黎左附近呢間餐廳午餐
當日星期六下午大約兩點半,已經過左繁忙時間,見到較少客人,睇完餐牌叫左咖哩香茅豬扒飯同埋椒鹽鯇魚腩
好多茶餐廳都係預先炸好塊豬扒,無論係鮮茄,白汁抑或豉油汁都係o個塊野,下午茶時間碟頭飯$35仲有野飲,要左即磨咖啡,一大塊幾靚o既豬扒,一碗飯裝落去,食碗面反碗底
估唔到食咖哩都有堆生菜,咖哩汁係分開用碗上,呢樣野其實好緊要架,食客可以自己鍾意每次食幾多份量,若果食食下覺得好辣可以唔落咖哩,想辣又可以成碗倒落o的飯,另外估唔到呢碗咖哩竟然有兩大件薯仔,薯仔唔平架,真係驚喜! 咖哩汁幾靚,類似五,六十蚊南亞餐廳o個o的咖哩,應該係有椰漿加左落去,唔係用咖哩粉開
通常香港食到o既咖哩可以分開三種,有椰漿通常黎自星馬泰南洋一帶,若果覺得甜甜地有生果味就黎自日本,如果香料味好重就真係印度或者巴基斯坦,好似佐敦阿龍咖哩係巴基斯坦印度咖哩,佢地唔會落薯仔紅蘿蔔,只會落洋葱加香料炒出黎
另外,呢度有款小食係炸鲩魚腩,每件$6,無論叫一件或者十件都得,有o的似天婦羅,落埋咖哩汁就係咖哩鲩魚腩飯,相信好多人都冇諗過呢個造法,好有創意,通常整鲩魚腩梗係薑葱或者豉汁蒸,又或者用鲩魚腩滾西洋菜湯,再唔係就香煎，而家加左咖哩汁呢個造法可以吸引多左人食魚,呢o的鲩魚腩唔會腥,加左脆漿一定香口,餐廳每朝早要拎貨要切要醃做多左功夫,唔似得豬扒買一箱返黎解凍,食客欣賞佢地創意又可以逐件買當加餸,打工仔食碟頭飯唔多機會食到魚架!
除左咖哩,呢間舖出名冬蔭功湯底,老闆見我都食得晒成碗咖哩汁,叫我下次可以試下冬蔭功湯粉麵,可以選擇米線,米粉,泡飯,通粉,公仔麵
大家要留意呢間餐廳位於工廠區,佢地唔做晚市,星期日及公眾假期休息
題外話/補充資料：
呢間舖叫大眼仔,原來係因為老闆個仔係大眼,老闆鍾意拎個仔出黎同大家分享家庭感覺
(以上食評乃用戶個人意見 , 並不代表OpenRice之觀點。)
張貼
