大眼仔美食 (已結業)

炸魚腩熱辣辣，椒鹽味，小心骨頭，魚油好正，食個時有啲乾，浸冬蔭功之後更好食。冬蔭功都唔錯，幾好飲。米線太冧，不過量多。凍檸茶和蘿蔔就太普通了。經濟實惠，可 encore

這間餐廳位於兩座工廠大廈的中間，位置較隱蔽，真的是隱世小店！很多年無幫襯，今次經過附近突然想重溫一下以前的味道。 今次用了Openrice App的外賣自取功能落單，店舖迅速接單及預備，跟預計時間15mins一樣就準備好我的外賣，我一去到就可以取了！ 我點了香茅豬扒冬陰功米線（小辣）（$47）(評分7.5/10) 米線拎到返公司食還有好多湯，湯底很濃，有點蕃茄甜味，有少少辣，辣度較適合吃不到辣又想嚐辣的人，我自己覺得不夠辣，下次可能嘗試中辣。 湯底配菜有很多粟米，也有芽菜及韮菜。香茅豬扒份量很多，已經切好幾塊方便吃，有淡淡香茅味，幾好味，與湯底幾夾～

今日2個人係新蒲崗搵嘢食，四圍兜咗幾條街，天口又熱都唔知食乜好，見到有間叫大眼仔美食咪入去試試，我叫咗碗椒鹽魚腩冬陰公米線，即叫即炸嘅魚腩香脆冇魚腥味，冬陰公米線開胃又唔會太林，我朋友叫咗碗猪頸肉薯粉，D猪頸肉又係即叫即煎奄得夠入味爽口同好大件， 薯粉有夠煙韌掛味，睇得出都好用心唔馬虎， 两碗既份量都唔細價錢合理，伙計態度又幾好地方環境須然唔係好大都算乾淨企理冷氣又足夠可以說得上有驚喜，有幾會一定要試埋其他幾款，👍👍

嚟開新蒲崗一定要嚟大眼仔美食試一試佢最有名嘅炸魚腩米線，大大碟又好味，一試難忘，又可配鮮茄或冬蔭功湯底，食唔晒又可以打包返屋企當餸食，再唔係叫多份用嚟佐酒就更加正😋

最近經常要去新蒲崗番工，好多同事推介大眼仔，試過佢既豬頸肉真係無得輸！不過因為控制緊飲食，暫時唔食豬，今次試佢既雞扒，都係無得輸勁好味，重有個咖喱湯，有啲似出前一丁咖喱味，係岩我口味既，不過有啲奇怪，我食左兩次，兩次都係走粟米同埋韮菜，佢兩次都係比錯配料我，呢點有啲失望。價錢黎講偏貴，Happy Friday豪一次係Ok既！搵位都唔容易，位置唔多，不過大多數人都係叫外賣，打工仔Lunch time得1個鐘，有時要等位就唔想食，所以平日都要行去碰下運氣，有位就唔洗叫外賣，如果繼續係新蒲崗番工，都會繼續幫襯。

對於大眼仔我真係中左毒！日日帶飯的我～定期都要去一去食！今日叫左冬陰公清湯通粉 配 蟹棒！冬陰公清湯酸酸甜甜帶小小辣💕超多粟米芽菜！通粉量又多！💕仲有鮮茄濃湯通粉 配豬頸肉！豬頸肉配埋個汁真係正正！😝下星期又要再去食先得啦！😆💕

<大眼仔美食>早幾日Lunch突然想食 d香口野，即刻就唸起大眼仔美食嘅炸脘魚腩冬蔭湯美粉😋真心冇得頂！超邪惡😈 d脘魚腩大大舊外脆內滑又夠惹味！冬蔭湯底又夠濃味，啱晒重口味嘅我😍。真心推介💖回頭率：100%

新蒲崗都算幾多美食，工廠大廈附近總會搵到一兩間餐廳或者茶記。今次午飯時間黎試下呢間大眼仔美食，店舖位於係巷中間，餐廳大致上只可以容納20人左右，不過眼見外賣無停手，証明餐廳不乏捧場客。午餐有飯餐同米線餐選擇，我地嗌左幾樣食物，有咖哩雞扒飯，鴨胸清湯紅薯粉同埋豬頸肉冬蔭公湯米線。雞扒大大塊，雞皮煎得少脆，雞肉多汁，飯量超大，一般打工仔可以嗌少飯。鴨胸嫩滑，不過略嫌紅薯粉唔夠淋。豬頸肉煎得香口（另上），配泰式甜酸醬，冬蔭公湯底香味足，配米線都唔錯。整體幾樣斬算唔錯，不過幫襯記得要預返時間等位啦。

難得去鑽石山工業區做野，午飯又唔知食咩好，行行下見到後巷咁多人，就湊下熱鬧啦！原來係大眼仔美食！好在一個人食唔洗等位呢！個人就好鍾意食蕃茄，所以叫咗蕃茄濃湯做湯底同埋炸豬頸肉！湯底同米線好足料！有圖有真相，除咗番茄仲有好多粟米！豬頸肉都係即炸，超脆又熱！下次經過鑽石山，我都會再嚟！

#新蒲崗隱世美食 HKD48#鹽酥鯇魚腩冬陰公米線 唔太泰式嘅冬陰公湯底，加咗好多粟米粒，酸辣得來都甜甜地，可以選擇辣度。脆骨腩有三大嚿唔係好鹹，啖啖肉新鮮好好味💕。如果唔係朋友帶我去都唔知道有呢達地方，鋪頭身處於工廠大廈橫行，附近做嘢嘅人先至會知道佢嘅存在，大門口尚算乾淨。這佢有好多選擇，有鴨胸豬頸肉等等或者似車仔麵咁揀餸，湯底都有幾款，蕃茄、咖喱、雞湯、沙嗲湯底，不過呢度最出名就係冬陰公湯底。$48包埋嘢飲真係好抵食。

平日閒來無事，我就會四處發掘優質小店。這間小店的冬蔭公湯底一直是我的最愛，辣度任均選擇，價錢親民，只需$3X至$4X不等，便可品嚐到一碗美味的米線。平日我多數會點鮮雞件米線($45)，但最近肉吃多了。這次則點了酸菜和粟米作為配料，冬蔭公湯是BB辣，其實味道偏甜，不吃辣的人也絕對可以放心食用。而且對於我而言，米線份量有點多，所以每次來都必定要求少米線。米線軟硬適中，配上湯底十分惹味，粟米也很香甜。每當放飯時間，總有很多在新蒲崗工作的職員來用膳，非常受歡迎。

筆者一直覺得新蒲崗係美食隱藏之地，今次去左間平平無奇既小店，意外搵到唔頹既碟頭飯！咖哩汁香茅豬扒飯（＄44）可以見到個飯既份量一啲都唔細，＄44依個價錢性價比極高！香茅豬扒十分入味，煎過既豬扒好香，肥瘦得宜，又唔會好un好難咬～豬扒有兩塊，兩塊都唔細，唔洗就住就住食咖哩汁係成個飯既重點，好香好適合送飯，唔係好稀既汁，有少少微辣，好足料！凍飲加兩蚊，total ＄46就食到好食既碟頭飯，果然小店係多啲驚喜！一個人獨食都唔怕啦！

今日黎到新蒲崗附近搵食。想嘆個醒晨早餐🌞無意中發現到到工廠大厦有一間隱世既快餐店！太好了！見佢d早餐set都唔錯.就入去食下喇！見到個menu寫住 有電台都推介過呢個食店😮仲重點既係：熱奶茶同咖啡免費添飲！😜我就叫左佢個早餐b:都ok抵食，揀3樣餸！我就揀左：五香肉丁，煎太陽蛋🍳，腸仔 公仔麵喇！上菜時間都好快，岩哂我呢啲速食客！😜碗麵都幾大碗喎！！個太陽蛋都煎得幾靚！唔會話好求其個d.腸仔有煎過。唔係普通滾熟。而佢都俾幾多 五香肉丁。😛令到個公仔麵夠哂味道！好開胃！佢杯熱奶茶都唔差！夠茶味。呢間茶餐都ok.

大眼仔美食開左五年，我已經幫襯左四年了！最吸引的地方就是有多款湯底選擇，有蕃茄湯、清雞湯、冬陰公湯、泰式湯，有不同配料韮菜、粟米粒、芽菜，唔食配料的朋友記得圈“走”，仲有好多款餸就係招牌椒鹽魚腩、鮮雞、雞皇(無骨，每日限量供應)、豬勁肉、雞扒、豬扒、、雞翼、手工餃子、蟹棒、肥牛等，仲有一些自選餸。愛食飯的朋友，可以試下個咖哩汁/秘製豉油汁，再揀自己愛吃的餸，有時老闆有整個鹵水雞腿，正呀！我最鐘意食的就係鮮雞蕃茄湯底米線，配一杯即磨咖啡，因為蕃茄湯底真係有粒粒蕃茄，米線煮得夠滑，鮮雞都係好嫩滑，一D都唔“鞋”口~~老闆同老闆娘用心服務，無咩人時都會吹下水，真係好親切架！

來到新浦崗，發現兩座大廈中間的小巷有間小店！被我發現有我之愛的冬陰功湯底的粉麵。我叫左個椒鹽酥炸大魚腩， 魚腩炸得好香口，一點都不油利，和沒有魚醒味， 味道so good, 湯底可以選擇不同的辣度！份量十足， 食得我好飽飽， 下次都會再來試試