影片
更多
2021-08-11
49 瀏覽
之前喺荔枝角返工都會間唔中去工廈食正嘢，價錢唔貴，又多選擇。咁啱去開荔枝角行街，就決定又去返工廈食嘢。揀咗呢間Cafe，環境好闊落，坐得夠舒服，園境般嘅裝修設計令你覺得自己唔係置身係工廈入面。我哋兩個人嗌左四樣嘢都只係四百幾蚊，而且質素不錯，性價比屬於高。頭盤嗌咗個炸魚薯條，炸魚柳有驚喜，炸粉同魚嘅比例啱啱好，切開嚟仲好多煙飛出嚟，好新鮮，魚肉好滑亦都唔會散晒，絕對做到外脆內軟。薯條正常發揮，冇乜特別。食完個炸魚薯條，黎番個主菜，奶油大蝦菠菜忌廉煙肉意粉，個意粉有別其他西餐廳，唔會太過多汁，而係恰到好處，所以食落去唔會覺得肥膩，而且好足料，有好多煙肉同埋四隻大蝦，每隻蝦都十分之爽口，味道亦都好重奶油味，唯一美中不足就係好似少左菠菜，不過整體味道都十分之好味。每次食西餐廳，都係叫牛排，咁啱又見到佢係用日式味增焗既豬鞍架，所以今次搞搞新意思試試佢，一上碟，嘩，好多木魚絲係塊豬鞍架上邊跳下跳下，好似叫我快啲食左佢咁，塊豬鞍扒永常之厚切，兩個人食可能會多得滯，因為佢有薯蓉伴碟，三個人食完全夠哂。值得一提，佢啲薯蓉絕不馬虎，食落去好軟綿綿同creamy，塊豬扒亦都好入味，見到佢好似無咩汁咁，但食
揀咗呢間Cafe，環境好闊落，坐得夠舒服，園境般嘅裝修設計令你覺得自己唔係置身係工廈入面。
我哋兩個人嗌左四樣嘢都只係四百幾蚊，而且質素不錯，性價比屬於高。
頭盤嗌咗個炸魚薯條，炸魚柳有驚喜，炸粉同魚嘅比例啱啱好，切開嚟仲好多煙飛出嚟，好新鮮，魚肉好滑亦都唔會散晒，絕對做到外脆內軟。薯條正常發揮，冇乜特別。
食完個炸魚薯條，黎番個主菜，奶油大蝦菠菜忌廉煙肉意粉，個意粉有別其他西餐廳，唔會太過多汁，而係恰到好處，所以食落去唔會覺得肥膩，而且好足料，有好多煙肉同埋四隻大蝦，每隻蝦都十分之爽口，味道亦都好重奶油味，唯一美中不足就係好似少左菠菜，不過整體味道都十分之好味。
每次食西餐廳，都係叫牛排，咁啱又見到佢係用日式味增焗既豬鞍架，所以今次搞搞新意思試試佢，一上碟，嘩，好多木魚絲係塊豬鞍架上邊跳下跳下，好似叫我快啲食左佢咁，塊豬鞍扒永常之厚切，兩個人食可能會多得滯，因為佢有薯蓉伴碟，三個人食完全夠哂。值得一提，佢啲薯蓉絕不馬虎，食落去好軟綿綿同creamy，塊豬扒亦都好入味，見到佢好似無咩汁咁，但食落口就完全係好有日式既風味，未試過既值得一試，味道有少少似味僧湯咁，幾得意，不過塊豬扒就有少少焗得太耐，乾左啲，不過有啲汁搭救。
去Cafe又點少得甜品結尾，要咗個榛子朱古力法式crepe，好多配料，香蕉、士多啤梨、忌廉，加咗個雲呢拿雪糕，仲有啲椰子脆片鋪面，好豐富好夾。
張貼
