影片
更多
2021-04-19
5484 瀏覽
今日同老婆去駱駝漆大廈行街，無意中發現呢間cafe，叫“urban cafe”,先賣個關子，因為有意想不到的驚喜。入到去環境好舒服又大，空間感好足夠，唔會枱貼枱。佢哋有二人餐同四人餐揀，我同老婆兩個人緊係揀2人餐。除咗二人餐佢哋仲有好多選擇。又有好多特色拼盤小食。之前有睇過食評，呢度個二人餐係最多人揀，所以今次我哋都揀咗呢度嘅2人餐。頭盤先黎每人一碗沙律同埋餐湯，佢哋嘅沙律菜好新鮮，忌廉湯都打得好creamy。我哋喺個二人餐加咗錢要咗兩杯特飲“藍糖乳酸雲朵沙冰”（一嚟到成杯嘢藍色打卡一流，味道都好清新，酸酸甜甜幾好飲）“oreo脆脆朱古力雲朵沙冰”（個朱古力味超級濃，仲飲到淡淡嘅oreo脆脆”,可以揀少甜所以唔會太甜。挪威煙三文魚水煮蛋忌廉卡邦尼意粉（個意大利粉剛剛好唔會太淋亦唔會太硬，啲汁濃杰到剛剛好，啲汁掛滿每一條意粉，而且個水煮蛋易做到好流心，食完一啖想繼續食下一啖。黃金雞翼（我同老婆都係雞翼控，每次見到雞翼都必叫，佢哋呢到嘅雞翼炸得好香脆，外脆內軟肉汁仲好juicy，可惜得五隻，最後一隻要同老婆決勝負先食到）😂西班牙燒烤醬烤大豬肋骨（一嚟到覺得好震撼，3條豬肋骨超級粗，仲好啖啖
入到去環境好舒服又大，空間感好足夠，唔會枱貼枱。
佢哋有二人餐同四人餐揀，我同老婆兩個人緊係揀2人餐。除咗二人餐佢哋仲有好多選擇。
又有好多特色拼盤小食。
之前有睇過食評，呢度個二人餐係最多人揀，所以今次我哋都揀咗呢度嘅2人餐。
頭盤先黎每人一碗沙律同埋餐湯，佢哋嘅沙律菜好新鮮，忌廉湯都打得好creamy。
我哋喺個二人餐加咗錢要咗兩杯特飲
“藍糖乳酸雲朵沙冰”（一嚟到成杯嘢藍色打卡一流，味道都好清新，酸酸甜甜幾好飲）
“oreo脆脆朱古力雲朵沙冰”（個朱古力味超級濃，仲飲到淡淡嘅oreo脆脆”,可以揀少甜所以唔會太甜。
挪威煙三文魚水煮蛋忌廉卡邦尼意粉（個意大利粉剛剛好唔會太淋亦唔會太硬，啲汁濃杰到剛剛好，啲汁掛滿每一條意粉，而且個水煮蛋易做到好流心，食完一啖想繼續食下一啖。
黃金雞翼（我同老婆都係雞翼控，每次見到雞翼都必叫，佢哋呢到嘅雞翼炸得好香脆，外脆內軟肉汁仲好juicy，可惜得五隻，最後一隻要同老婆決勝負先食到）😂
西班牙燒烤醬烤大豬肋骨（一嚟到覺得好震撼，3條豬肋骨超級粗，仲好啖啖肉，bbq醬味好突出）
巴馬火腿拉絲水牛芝士手工薄餅（呢個不得不讚，好食過坊間連鎖式嘅pizza，個餅底又唔會太厚同太乾，好鬆化，我一個人都食咗三塊）
牛乳布丁~牛奶味好濃入口即溶又唔會太甜。
呢度其實仲有另外一樣獨特之處，就係有好多好靚同好乖嘅貓陪你一齊食嘢。
張貼
