1988 (已結業)

隱藏工廈的泰菜。座位舒服，佈置簡約。上菜快，服務又好。先食鳳爪沙律，汁帶酸，夠晒開胃。份量大，鳯爪又多又爽口。天氣熱，叫了西柚梳打和凍咸零七。係新鮮西柚汁加梳打，還有大大件西柚，味道清新。泰式烤豬頸肉，豬頸肉烤得剛剛好，有脆邊位，肉質煙靭又有肉汁。泰國菜個醬汁好重要，每間都有特色。這間個汁辣帶小小酸味，又幾好味。主菜係青咖哩烤雜菜和烤薄餅烤薄餅好得意，細細個，脹卜卜，又脆口。青咖哩是微辣帶甜，雜菜煮到剛熟，是爽口的。薄餅放入咖哩汁內，索汁後，內淋面脆。 每口都有咖哩汁，真係好好味。