Go Inside Kitchen (已結業)

去完觀塘某銀行理財完後，順便去附近的工廈揾食，見到樓下水排，覺得個 LOGO 的心心好吸引我，於是就上去探一下。一入到餐廳入面，會見到水吧同埋對面一排枱，穿過水吧就有分內園和露台，感覺截然不同。我們看著 LUNCH SET 餐牌，因為有幾個餐都想點，所以都諗咗好耐。最終我們都點了 H & J 兩個餐。前菜及餐湯前菜係蒜蓉包，外邊脆口內裡鬆軟，而餐湯飲落很 CREAMY。香煎三文魚扒伴刁草忌廉汁三文魚大大件，表面煎得好香口，而裡面肉質很滑。而伴碟的唔係薯條而係薯格，仲炸得超香脆，即刻加咗少少分。西班牙黑毛豬豬鞍架伴蜜糖蘋果汁呢隻黑毛豬原隻鞍架上，與之前食的淨黑毛豬肉好唔同。肉質很軟，很容易咬開，食到個架的邊邊位都好入味。點埋伴碟的醬汁，味道同肉質好夾，幫助提升了肉香味。法式焦糖燉蛋呢個燉蛋的的骰骰，食落涼涼地又帶點甜。餐茶雖然係點咗檸茶檸水，但好開心係將茶/水跟檸檬分開上，避免咗檸檬浸得太耐會變酸的情況，加上餐廳係用蔗糖而唔係用白砂糖，飲起上來較為健康和香甜。