I's Land Cafe (已結業)

觀塘嘅工業大廈餐廳,款式多不勝數,今次就揀咗田園風格嘅cafe一試下午茶。裝修得幾靚而且地方闊落,令人有舒適感。見到幾乎每枱客人都有order一壺健康養生花茶,我亦都唔執輸試咗個紅莓果園養生花茶裏邊有紅莓,接骨木花莓同洛神花,飲落微酸帶有果香,依款花茶仲有保持肌膚彈性同舒緩經痛嘅作用啱晒女仔飲。初春小食拼盤有整德國牛仔香腸,薯條,脆炸雞翼同香芋海鮮春卷,即刻同朋友仔一齊share。依個窩夫叫得”真.紫薯窩夫”當然就唔少得真材實料嘅紫薯夾心,外脆內軟嘅窩夫配相紫薯蓉夾心,唔使講都知一定好味,再配上雪糕冰火交融嘅口感,作為下午茶嘅結尾,令人滿足。