山景閣

營業中

休息中

咁岩行開尖沙嘴呢頭，想揾間可以坐得舒服D既餐廳同舊同事聚舊，就去左附近一間酒店打算平平地食個Lunch buffet，點知好有驚喜。一入到去就見到甜品Bar，隔離有個朱古力噴泉。左手放熟食，款式都有7-8款，有炸三文魚，薯角，炒飯，鷄翼，咕嚕肉，幾款蔬菜等等。雖然食物都係大路野，但全部都好好味，食完係會想再食，而且餐廳不斷refill。冷盤方面，有蝦，青口，唔同沙律水果等等。行去另一邊仲有皮蛋瘦肉粥同凍切雞木耳，個粥又甜又綿，忍唔住食左兩碗。 甜品除左有西式蛋糕，仲有中式糕點，同埋雪糕或糯米池。另外，有個師傅可以即場整香蕉Pancake。