十二味 (銅鑼灣道) (已結業)

中意食川菜既我今日黎到位於大坑既十二味食晚餐。鋪面細細，但內在既裝修充分突顯左川式既風味。燒椒皮蛋，一直我都好中意食涼拌皮蛋，呢度既皮蛋同我係深圳食到既一樣，係黃色而唔係平時見到既黑色，夠晒正宗。上面既青椒都夠辣，食到停唔到口。川式口水雞，雞肉經過雪凍之後肉質更加嫩滑，口水汁十分惹味，餸飯岩岩好。尖椒武隆雞，尖椒唔係平時買到個種尖椒，呢種比較辣。雞肉份量超多，而且好入味，不過有啲碎骨，食既時候要小心。蔥油拌麵，蔥油味超香，麵底唔會太硬，岩岩好，食落超香口。紅糖糍粑，超級推薦紅糖糍粑！食落外脆內軟，煙煙韌韌，上面鋪滿豆粉，點埋個紅糖醬，作為飯後甜品無得頂！