麻辣風雲 (荃碧大廈) (已結業)

麻辣小龍蝦❤️依個係內地好流行嘅菜式，依度都有得食，用一個好正宗嘅炒法，將啲龍蝦先炸後炒，再配埋辣椒大蔥呢啲香料，香辣無比！雞絲粉皮💛雞絲撕得好碎，真係一條條，同時啲雞肉亦都好嫩，粉皮好滑身，又有啲爽口，加埋香濃嘅花生醬，仲有啲青瓜絲，成個都好清新！酸菜魚🧡鮮菜魚份量真係好多，滿滿嘅魚片鋪滿晒成個湯，啲魚片好大塊，亦都好厚，又煮得啱啱熟，好滑，成個湯底都好多酸菜，亦都有啲辣椒同花椒，酸度辣度同麻度都係配搭得啱啱好！酸梅湯🤎呢度自家製嘅酸梅湯，用一個酒壺裝住，好有心思，酸梅湯煮得好好，酸酸甜甜，好開胃，亦都非常解辣！