川川

營業中

休息中

· 川川 ·作為一個嗜辣既人，一直都尋覓緊香港出色既川菜。據聞呢間餐廳主打四川菜式，大廚更曾任職三希樓同埋駿景軒，相信都有一定既水準。餐廳裝修係中式裝修，餐具有啲中式宮廷風。-水煮桂花魚（小）呢道係一道常見既川菜，好多餐廳煮出黎好易太辣搶哂魚本身既味，川川就將辣度拿捏得好好。魚肉較厚身，而裡面除左有魚之外，仲有寬粉同埋其他配菜。-化皮乳豬（例牌）乳豬好脆好香口，配上醬汁同埋細細塊既有少少似刈包既麵包，完美！-虎皮尖椒偏簡單既一道菜，廚師煮得好入味。味道甜甜地加上少少尖椒本身既辣，惹味到忍唔住係咁食。