成都老碼頭火鍋 (已結業)

一連四日復活假正式展開！今晚決定躲懶一天去做gym...附近嘅火鍋店食餐好😈😂 我有罪，食完再減啦！由入門口至離開，一股濃烈嘅麻辣火鍋味充斥着成個鋪頭，淨係聞到都已經流晒口水直攻味蕾😹貪心嘅我哋必點鴛鴦鍋底，我揀咗比較少見嘅蕃茄湯配麻辣湯底，一清一濃可以依據食物喜好慢慢淥🍲麻辣孖寶必嗌解辣玫瑰冰粉仲有杞子龍眼菊花蜜，清熱明目安神，味道很好呢！台灣水蓮菜爽脆口感令人一食愛上☺️又長又幼，外形似足一團綠色的電線，香港好少菜檔買得到，聽人講營養價值好高，啱曬我呢個健康寶寶🤟🏻牛肉可以晤叫，但冰豆腐係我每次邊爐必點菜😽😽吸收湯底精華，正！蛋餃滑溜溜鴨血又係之前係台北食過一試愛上，竟然係香港有得食，呢間火鍋店集四川x台式口味，讚👍🏻珊瑚蚌價錢相宜，口感爽滑鮮味十足⭐️蒙古羊肉同澳洲和牛面珠燉兩大肉類，配上麻辣湯底，肉味係麻香襯托下，更顯肉香🥩雖然位置有d遠離旺角心臟地帶，不過反而坐得無咁密，食得更舒服😌而且另一要讚嘅地方係，有西瓜🍉、菠蘿🍍、哈密瓜🍈等任食，為邪惡嘅一餐減低罪惡感😂