小曼谷海鮮燒烤屋

營業中

休息中

想食泰國菜，當然要約埋朋友一齊去岀名多泰國菜嘅九龍城。一岀地鐵就見到呢間人氣泰菜，決定去試一試。~~泰皇咖哩法包軟殼蟹呢個好推薦，好好味。軟殼蟹炸得好香脆，份量都好多。咖哩好香，甜甜地唔辣。麵包有焗過，食落外脆內軟，加埋咖哩汁，味道好夾。~~泰式鐵板蠔餅熱辣辣。送上嚟個陣仲有煙，真係要小心唔好掂到塊鐵板。份量好多，蠔仔粒粒脹卜卜，好肥美，唔會有腥味。蠔餅煎得好香脆可口，食落好香蛋味。加埋個辣醬一齊食，好惹味。~~沙嗲 (墨魚鬚串)燒得啱啱好，墨魚鬚食落好爽口。沙嗲醬都好重花生味，不錯不錯。