183
97
95
等級2
7
0
屹立不倒的餐廳
2019-12-10 1701 瀏覽
週日同女朋友逛完街，見肚餓唔知食咩好，又想食肉，但燒肉放題又好似大heavy,女朋友又要keep fit,又想有小小浪漫，即刻諗起细個屋企人带我去嘅波士頓餐廳，甘多年都唔知仲有冇，於是seach openrice 点知仲有，仲要未搬，女朋友又未試過，想試下，於是充满興奮嘅心情去啦，点知到左門口，已經面目全非，門口仲好多人等位，先6點幾，心諗氣勢唔錯，應該無去錯，原來裝修左，靚好多，自從搬左去九龍好耐冇嚟差唔多7-8年左右，以前樓下賣麵包，宜家變左小食店，有D歐美feel,有吧枱堂食或者拎走，有啤酒就正，可以行街行到累，休息下食D小食再飲D酒，諗起都正，當然今次同女朋友嚟要浪漫下，下次一支公先嚟試下一個人的浪漫，去到樓下先有個阿姐喺門囗做接待，問佢倆位，佢話等一等，可能太多人應接不暇，之後等左一陣拎到張飛仔排第6個，等左一陣好快有枱，上到去係近門囗位，於是問下D侍應可唔可以轉窗口卡位，話哂都同女朋友嚟食，緊係manD表現下做男友風度，於是侍應好有禮貌話卡位埋緊單，等一陣安排轉枱，話甘快就搞掂轉枱，仲有轉張望電車路窗囗卡位，幾有feel,佢地D員工做野好有效率，快到拍得住茶記，於是問下D員
更多
週日同女朋友逛完街，見肚餓唔知食咩好，又想食肉，但燒肉放題又好似大heavy,女朋友又要keep fit,又想有小小浪漫，即刻諗起细個屋企人带我去嘅波士頓餐廳，甘多年都唔知仲有冇，於是seach openrice 点知仲有，仲要未搬，女朋友又未試過，想試下，於是充满興奮嘅心情去啦，点知到左門口，已經面目全非，門口仲好多人等位，先6點幾，心諗氣勢唔錯，應該無去錯，原來裝修左，靚好多，自從搬左去九龍好耐冇嚟差唔多7-8年左右，以前樓下賣麵包，宜家變左小食店，有D歐美feel,有吧枱堂食或者拎走，有啤酒就正，可以行街行到累，休息下食D小食再飲D酒，諗起都正
，當然今次同女朋友嚟要浪漫下，下次一支公先嚟試下一個人的浪漫，去到樓下先有個阿姐喺門囗做接待，問佢倆位，佢話等一等，可能太多人應接不暇，之後等左一陣拎到張飛仔排第6個，等左一陣好快有枱，上到去係近門囗位，於是問下D侍應可唔可以轉窗口卡位，話哂都同女朋友嚟食，緊係manD表現下做男友風度
，於是侍應好有禮貌話卡位埋緊單，等一陣安排轉枱，話甘快就搞掂轉枱，仲有轉張望電車路窗囗卡位，幾有feel,佢地D員工做野好有效率
，快到拍得住茶記，於是問下D員工有咩推介，咁耐冇嚟都唔知食咩好，於是佢地推介左炸豬手同火焰牛枊，聽落唔錯於是去馬，豬手原來可以切埋，好好服務諗得周到，啱哂D懶人，不過切比女朋友食邊可以假手於人，留返比我啦，於是先嚟隻豬手又大又脆，香到流哂口水，但原来都幾考功夫，切得唔好成隻飛走，好在小弟有返咁上下功夫，成功碎上送美人，整體好夾皮脆肉嫩嘅豬手再配甜酸汁簡直绝配，比起薯蓉酸菜更出色，於是到火焰牛柳出埸，係餐枱附近燒，好壯觀，睇到我地^V^
嘩左出嚟，個feel好似去睇煙花咁，除左視覺豐富外，仲有味覺(聞都好香酒味)，仲感到身體好温暖嘅火焰，正呀到上枱淋上惹味嘅黑椒汁，咋咋聲，好正呀，未食都覺正，到切第一嚿入口，簡正說不出聲，先食出黑椒汁味，再到酒香然後牛嘅鮮味，肉汁再滲出，正吖，之後女朋友食完都話正，話之前小儀飲食節目介绍過之前都想試下，今次食到好開心，於是我想佢再開心D，叫左個甜品食，個名叫火焰雪山係一種舊式懷舊甜品，等左大概20分鐘嚟啦，又有表演睇，燒焦左嘅蛋白好香，食落軟绵绵，入面有層蛋糕包住雪糕，又特別又好食，今次經驗又有得食又有得睇仲有影相位添，值得推介
，up上facebook比人點讚都好，下次可以再嚟，服務又好，又靚又舒適，野食又好睇又好食，仲價錢合理添，老字號果然名不虚傳，抵佢做咁多年都屹立不到
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2019-12-01
等候時間
10 分鐘 (堂食)
人均消費
$250 (晚餐)