金田家 (已結業)

在銅鑼灣的拉麵街發現了金田家，決定入去食想食好耐的黑松露拉麵。呢間九洲第一拉麵係少有無味精飲完湯都唔覺口渴的靚湯底。柚子辛口拉麵追加溏心蛋同多木耳，溏心蛋的蛋本身高質，蛋黃係新鮮的金黃色，好有蛋味。拉麵有柚子粒同辣醬，柚子清新辣醬惹味，混落湯底係另一層次的味道。最期待的黑松露拉麵追加左蛋同多紫菜，食拉麵無蛋又點得呢，紫菜就係覺得浸左湯好好食。拉麵一放上枱陣黑松露味已經湧左上黎，松露醬溶左落湯之後成碗拉麵都啖啖松露味了。麵底揀左超硬，為左保留煙韌的麵質同有空間去吸收湯汁。餃子🥟4隻煎得幾靚，底少少脆，餃子汁比一般的濃厚，皮薄餡多，係豬肉菜餃，有少少大阪王將影子野飲叫左綠茶，係原支500ml伊藤園，解滯解飽幾好，餐廳價$14算係咁，食完拉麵都未飲完😂可爾必思專登要求走冰，果然走左冰味道更濃郁更好飲，連埋地道的九州拉麵成個feel就好似係日本食緊拉麵咁。