影片
更多
2022-03-11
286 瀏覽
疫情滿天飛，但係野都係要食嘅。不過大家都記得要做好預防措施，消毒好雙手，先好開始食野啊👐🏻。.之前黎咗呢間喺銅鑼灣好出名嘅日本餐廳食omekase。一坐Like 社交平台就有送一盒rapid test kit，好有良心，係咁多藥房加價之際，佢哋竟然送俾客人，呢點值得加分。👍🏻.前菜方面有蟹膏豆腐、汁煮鮑魚同扇子鯛魚，擺盤精緻，三者當中，味道最令我印象深刻嘅就係蟹膏味濃郁嘅蟹膏豆腐，入口絲滑。接住而黎嘅就係刺身重頭戲，爽甜非常嘅日本半月灣蠔，食落帶天然海水鮮鹹味，飽滿大隻，好creamy。柚子岩鹽凡立貝刺身貝柱柔嫩肥厚，比較爽身。野生深海池魚魚肉肉扎實非常，而銀鱈魚刺身則非常彈牙，同平時冰鮮嘅鱈魚有明顯分別。重頭戲就係海膽白蝦刺身，北海道拍賣級別 17嘅海膽入口鮮甜加上晶瑩剔透嘅白蝦，感覺奢侈又幸福。然後係壽司🍣同熟食部分。🥬日本溫室生菜包大拖羅嘅韓式食法新奇有趣，個人好中意。黑龍魚肉質嫩滑，加上酸汁調味，開胃非常，不過魚本身比較淡味。名字近似嘅赤龍魚則魚脂豐腴。冰糖燒海鰻幾乎入口即化但最令人驚艷嘅則是蝦膏濃郁嘅半冷半暖牡丹蝦🦐壽司。熟食方面，虎蝦燒帶子選材穩陣，好啱香港人口味。爽口虎蝦
.
之前黎咗呢間喺銅鑼灣好出名嘅日本餐廳食omekase。一坐Like 社交平台就有送一盒rapid test kit，好有良心，係咁多藥房加價之際，佢哋竟然送俾客人，呢點值得加分。👍🏻
.
前菜方面有蟹膏豆腐、汁煮鮑魚同扇子鯛魚，擺盤精緻，三者當中，味道最令我印象深刻嘅就係蟹膏味濃郁嘅蟹膏豆腐，入口絲滑。
接住而黎嘅就係刺身重頭戲，爽甜非常嘅日本半月灣蠔，食落帶天然海水鮮鹹味，飽滿大隻，好creamy。
柚子岩鹽凡立貝刺身貝柱柔嫩肥厚，比較爽身。
野生深海池魚魚肉肉扎實非常，而銀鱈魚刺身則非常彈牙，同平時冰鮮嘅鱈魚有明顯分別。
重頭戲就係海膽白蝦刺身，北海道拍賣級別 17嘅海膽入口鮮甜加上晶瑩剔透嘅白蝦，感覺奢侈又幸福。
然後係壽司🍣同熟食部分。🥬日本溫室生菜包大拖羅嘅韓式食法新奇有趣，個人好中意。
黑龍魚肉質嫩滑，加上酸汁調味，開胃非常，不過魚本身比較淡味。名字近似嘅赤龍魚則魚脂豐腴。
冰糖燒海鰻幾乎入口即化
但最令人驚艷嘅則是蝦膏濃郁嘅半冷半暖牡丹蝦🦐壽司。
熟食方面，虎蝦燒帶子選材穩陣，好啱香港人口味。爽口虎蝦令人一隻食完意猶未盡。
加上有排名15海膽級別嘅激澎湃北海道海膽手卷做收尾，兩個字，感動😭。
食完凍冰冰嘅嘢之後，就會送上一碗以刺身級別魚生熬製嘅濃郁魚湯，非常暖胃。最後嘅甜品就係日本直送嘅焦糖🍰果仁蛋糕，甜度自然，蛋糕鬆軟濕潤，而且係我中意嘅多糕少cream路線，令整餐飯留下美好結尾。
張貼
