花火漁屋 (已結業)

屋企附近竟然開左間日式料理店，好開心，仲要係花火品牌，就更加開心，所以當然立即過來幫襯啦。 店內裝修簡約，餐牌的選擇很豐富，每款都好想order，Lunch三四十蚊已經有個餐，仲要包埋飲品，好抵，亦都有學生餐。日本豚肉叉燒拉麵 - 豚肉叉燒厚薄適中，豚骨湯底亦都很不錯，沒有味精，起碼餐後沒有令人要不停灌水。日式香菇餃子烏冬 - 餃子味道不錯，鰹魚湯底清甜，烏冬有點出乎意料地好食，但可能係天氣太凍的關係，所以湯底稍嫌不夠熱。脆炸魷魚軟骨 - 炸得香脆，滴了一些新鮮檸檬汁後更加可口。芝士海鮮豆腐 - 價錢實惠，$20有4粒，味道也很好👍🏻薄荷鮮奶咖啡 - 比想像中好飲，而且上枱時的色澤好靚，值得推介。