山旮旯 (已結業)

「山旮旯」通常係形容地方偏遠，但呢間餐廳就正正位於鬧市之中。有朋友介紹呢度，個名又幾特別，於是收工特登過嚟試吓。呢間餐廳望落好似一間酒吧咁嘅咖啡室，配上一啲懷舊嘅裝修，感覺幾新鮮。Menu都算多選擇，但係今次就冇影到。我就叫左忌廉芝士蟹肉螺絲粉，承惠$128。味道還可以，不過不失，份量正常，但係蟹肉份量唔多，食落得好少混係忌廉芝麻醬入面，而且仲間唔中食到蟹殼，有啲失望。另外由於佢哋冇套餐叫，嘢飲要分開叫，於是我就叫咗杯玫瑰烏龍 $33。飲落玫瑰味係幾重，茶味清香，係一個不錯的選擇。整體來講，啲食物質素就一般般啦冇乜驚喜，相對價錢就有少少貴。不過佢哋嘅服務都相當唔錯。