影片
更多
2022-02-05
25 瀏覽
Terrace in seaside來自韓國，係唔少旅客嘅打卡聖地，Cafe位於首爾近郊仁川市，設有戶外座位，可以飽覽海景，非常之有渡假風情，除左提供各款招牌打卡美食，好似水果忌廉三文治、柑橘特飲之外，仲有唔同韓式料理供應。近日餐廳登陸香港，係屯門同尖沙咀開設分店，將地道嘅韓國咖啡café文化帶來香港。既然疫情下無得衝出香港，咁到此一遊都係一個假日嘅好去處。餐廳主打韓系自然大地風，裝潢採用舒適嘅木系設計，周圍都好多綠色植物，入到餐廳就好似去左韓國度假咁。座位方面，除左普通座位外，仲有和式座位，都幾特別。水果忌廉三文治:水果三文治係餐廳嘅招牌菜，就梗係要試下啦。鬆軟嘅白麵包夾上時令豐富水果作餡料，再配上既軟身又香滑嘅忌廉，一齊食嘅口感真係相當新奇。是日水果有柑橘、青提同士多啤梨，入口非常鮮甜，多汁之餘仲食到啖啖新鮮果肉，除左好味之外仲好適合打卡呃like，真係開心。藜麥黑醋南瓜雜菜沙律：上枱時真係令我哋「嘩」一聲，無諗過南瓜份量極多，仲多過沙律菜。南瓜烤焗後伴以藜麥，青瓜，粟米仔，車厘茄同沙律菜，再加入黑醋，味道酸酸甜甜，食落清爽可口，夠晒醒胃。紫米鰻魚紫菜包飯 :平時食韓國菜好少會見到
近日餐廳登陸香港，係屯門同尖沙咀開設分店，將地道嘅韓國咖啡café文化帶來香港。既然疫情下無得衝出香港，咁到此一遊都係一個假日嘅好去處。
餐廳主打韓系自然大地風，裝潢採用舒適嘅木系設計，周圍都好多綠色植物，入到餐廳就好似去左韓國度假咁。座位方面，除左普通座位外，仲有和式座位，都幾特別。
水果忌廉三文治:水果三文治係餐廳嘅招牌菜，就梗係要試下啦。
鬆軟嘅白麵包夾上時令豐富水果作餡料，再配上既軟身又香滑嘅忌廉，一齊食嘅口感真係相當新奇。是日水果有柑橘、青提同士多啤梨，入口非常鮮甜，多汁之餘仲食到啖啖新鮮果肉，除左好味之外仲好適合打卡呃like，真係開心。
藜麥黑醋南瓜雜菜沙律：上枱時真係令我哋「嘩」一聲，無諗過南瓜份量極多，仲多過沙律菜。南瓜烤焗後伴以藜麥，青瓜，粟米仔，車厘茄同沙律菜，再加入黑醋，味道酸酸甜甜，食落清爽可口，夠晒醒胃。
紫米鰻魚紫菜包飯 :平時食韓國菜好少會見到鰻魚紫菜包飯，呢個菜式仲要配紫米，咁特別，就梗係要試下啦。
一碟有10件，因為係用紫米做，所以賣相呈淡紫色，餡料除左有鰻魚之外，仲有蛋，青瓜，紅蘿蔔同埋生菜，整體味道都幾夾，好好味，真係令人一件一件咁食過不停。
燒醬油黑毛豬白切肉配大醬生菜：
黑毛豬白切肉一客八件，以醬油燒製令佢非常入味。肥瘦相間嘅黑毛豬，無論係脂肪抑或皮都非常有彈性，質感非常好。伴碟除咗有沙律之外，仲有加入泡菜煮過嘅飯同埋一片柑橘，令整體賣相非常吸引，飯，肉同埋沙律三樣野一齊食味道仲出奇地夾添。
紅豆牛油窩夫 ：一份牛油窩夫有兩件，每件有兩層，中間夾有紅豆蓉同埋牛油，蛋味濃郁，入口香脆，配上紅豆蓉同牛油食，味道非常夾，好好味。
士多啤梨提拉米蘇:用上正方型膠盒盛載，面頭同側邊可以清楚見到有鮮甜士多啤梨果肉作點綴，賣相非常吸引。
士多啤梨果肉清甜多汁，底層有鬆軟嘅蛋榚，中層有入口即溶嘅士多啤梨mousse，頂層有忌廉芝士，食落層次豐富，令人一試難忘。
飲品：
濟州柑橘特飲:
呢杯飲品賣相非常吸睛，有半個濟州柑橘放做杯蓋作裝飾，用黎打卡簡直一流。
用乳酪同柚子醬調配後再加入冰打成嘅特飲，味道有少少似益力多，入口酸酸甜甜，帶輕輕嘅柚子味，非常清爽，味道好夾，每啖都濃郁滑順，感覺相當清新。
柑橘湯力咖啡：
呢個組合對我黎講真係非常新奇，咖啡混合左柑橘之後散發出陣陣咖啡幽香，中間帶輕輕嘅柑橘味，飲落有多重層次感，味道清新宜人。
張貼
