LUMOS Restaurant and Bar

營業中

休息中

🐻屯門紅橋真係美食聖地，間中都有幾間餐廳爆出來，今日見到間型格酒吧餐廳，即管入去試過究竟。🐻黑色既招牌下係華麗精美既裝修，一系列既酒整齊排係牆上的吧枱，連同開放式廚房，都話比你知有酒有美食。不過今日食午餐，所以先來個無酒精日。🐻我哋點左兩個午餐配餐湯同飲品，單係餐包都有兩種，一個口感鬆軟，一個口感脆身，而且熱辣辣，配上濃郁既忌廉蘑湯，當堂打開左個胃。🐻主菜係手撕燒烤醬豬肉絲，洋蔥及蕃茄酸種麵包三文治配法式炸薯條，豬肉絲配上惹味燒烤醬，底下係脆身既麵包三文治，食落兩種口感，加上薯條炸得相當香脆，成道主菜都好滿意。🐻另一道主菜係坑烤紐西蘭一級肉眼牛扒配蔬菜及法式薯條，牛扒外表烤出坑紋，上面放上一塊香草牛油，牛扒熱力慢慢溶化牛油，添上香味。牛扒切開剛好係要求的五成熟，牛肉味濃，食到一絲絲炭烤味，配上燒汁食更添風味。🐻餐廳食物質素有水準，見到餐廳中間有個Live Band位置，相信夜晚聽著音樂，飲返杯會更舒爽。