厚興瑜記手撕雞 (寶怡花園)

間唔時都會去屯門寶怡花園，呢間「厚興瑜記手撕雞」記憶中大約食過6-7次，午餐/下午茶/晚餐都試過，一般手撕雞店都係只得外賣冇得坐低食，呢間係全港第一間有得堂食嘅手撕雞店，方便街坊！

做咗會員有好多優惠券好多福利，試過$20食到份下午茶勁抵，亦試過有抽獎玩。個人推薦「麻椒手撕雞」，食過麻香夠味但唔會太過辣，好開胃！

今日中午嚟，叫咗份「香蔥霸王雞」套餐，雞肉唔靭啖啖肉，勁多蔥油好香夠晒惹味，份量足飽肚。

今日係粉葛豬骨湯，足料冇味精

芒果涼粉係配黑白涼粉，好適合夏天食，清清爽爽解暑！

1