貝爾特酒廊 (裝修中)

五月尾個時，係朋友口中得知屯門開咗一間新酒店，咁當然第一時間想去試吓啦。即刻約朋友第二日去食，點知去到先發現原來冇自助餐食，有少少失望，不過侍應推介佢哋嘅晚市套餐，見到有最鍾意食嘅牛扒，我依啲食肉獸梗係唔客氣啦，最緊要佢嘅價錢都算係合理既，仲有頭盤湯同埋甜品，平過出邊好多餐廳，以酒店來講價格一流，我見到餐廳都好爆人下，我諗下次都要訂位先得，以咁嘅價錢，真係值得推薦比朋友。唯一想講嘅，係見到員工唔係好夠，見到佢哋跑來跑去好似就快死咁樣都幾辛苦下。希望會請多啲人，咁樣服務就會更加好，當然而家已經好好。最後我同朋友一人點左一個晚餐，佢叫羊我就叫牛，整體來講都算係幾好食嘅，環境方面呢，我就覺得啲音樂就唔係咁好聽有啲煩擾。而且無風景睇，可能因為工業區啦。不過有張桌球枱對於屯門來講都算係幾新鮮。員工都算係幾友善下，個男侍應除左主動推薦我哋主菜有咩好食，有咩好飲，仲幾細心見到我朋友有少少凍，主動問我地需唔需要調位同主動比杯暖水我哋，算係令我幾suprise。下次可以試吓同一大班朋友過嚟食嘢同玩嘅。