更多
2013-11-21
237 瀏覽
出開屯門,諗起由細食到大既新華,於是捉左媽咪陪我特登轉車兜入去!去到當然要坐入面啦,夏天又唔會熱,因為有冷氣,冬天又唔會凍,因為d風吹唔到入黎...所以一定要坐入面 人流好似好小,不過都keep住有人入黎買外賣!而坐係道食既客都係5隻手指數得晒,多數都係熟客,同d店員有傾有講咁...叫左3樣野,碎牛粥,雲吞河同埋炸兩!炸兩最快到,因為本身整好晒放係道,一拎起加d豉油就得!由於事先整好放係道,所以係凍冰冰...不過味道不變,加埋甜醬辣醬一齊食,絕配 d粥本身煲好晒,之後放係道慢慢滾,滾到好綿,一收到單就拎個碗去放d生既碎牛落去...然後用高溫既白粥淋落去整熟d碎牛...黎到碗粥熱辣辣,整下到底見到d肉真係熟晒,碎牛既份量都幾多,加埋胡椒粉,撈勻晒之後食,正 雲吞河最慢,可能d河份要煮掛...呢道既湯粉麵同出面唔同既係佢個湯底本身就溝左腩汁,所以個色都唔同,出面個d係白雪雪既...物價升左好多賣粉麵既份量都小左,但係呢道仍然係足料,4粒大大粒雲吞,咬落去口感唔錯...蝦既份量都唔小,最令我鐘意既係呢道既辣椒油,真係辣,落小小都夠晒...出面個d你可能落10羹,8羹都完全唔辣,好似係放
去到當然要坐入面啦,夏天又唔會熱,因為有冷氣,冬天又唔會凍,因為d風吹唔到入黎...
所以一定要坐入面
人流好似好小,不過都keep住有人入黎買外賣!
而坐係道食既客都係5隻手指數得晒,多數都係熟客,同d店員有傾有講咁...
叫左3樣野,碎牛粥,雲吞河同埋炸兩! 炸兩最快到,因為本身整好晒放係道,一拎起加d豉油就得!由於事先整好放係道,所以係凍冰冰...
不過味道不變,加埋甜醬辣醬一齊食,絕配
d粥本身煲好晒,之後放係道慢慢滾,滾到好綿,一收到單就拎個碗去放d生既碎牛落去...
然後用高溫既白粥淋落去整熟d碎牛...
黎到碗粥熱辣辣,整下到底見到d肉真係熟晒,碎牛既份量都幾多,加埋胡椒粉,撈勻晒之後食,正
雲吞河最慢,可能d河份要煮掛...
呢道既湯粉麵同出面唔同既係佢個湯底本身就溝左腩汁,所以個色都唔同,出面個d係白雪雪既...
物價升左好多賣粉麵既份量都小左,但係呢道仍然係足料,4粒大大粒雲吞,咬落去口感唔錯...
蝦既份量都唔小,最令我鐘意既係呢道既辣椒油,真係辣,落小小都夠晒...
出面個d你可能落10羹,8羹都完全唔辣,好似係放係道只係裝飾既咁
食過咁多舖頭,依然覺得呢間老店最好味,而且做街坊生意,就算物價高,價錢都只係加小小!
名副其實既平!靚!正!
張貼