頂立 (裝修中)

放假去屯門放鬆睇吓戲，睇之前先要醫醫肚。原來紅橋附近有唔少餐廳，經過先發現呢間拉麵小店好似幾高人氣，當日1點幾去到已經漸成人龍。欣賞店內融合日式傳統同現代嘅藝術，令人感覺幾有心思。天‧頂立-秘製當歸雞白魚介湯 $95以當歸入藥調味嘅湯底，細呷之下帶少許藥膳味，中式混合日式嘅感覺幾新穎。配搭偏硬嘅手工烏冬、慢煮豚腩肉叉燒、慢煮豚肩肉叉燒同大大塊油揚等，叉燒一肥一瘦，飽足感滿滿。另外附贈明太子蟹籽沙律作為前菜，呢個亦係加分位，食落爽口又解膩。地‧頂立-醬油豚背脂魚介湯 $95熬煮長達8小時以上嘅湯底，入口餘香濃郁帶陣陣豬骨香，唔會死鹹。除咗湯底，其他配料都同天‧頂立無異。當中一款拉麵加配$70鬼套裝，當中包括昭和風硬布丁同冷萃珈啡。據店員介紹，冷萃珈啡選用咗意大利2017/2018年得獎公司咖啡而泡製。唔止聞落香氣十足，低酸度仲非常易入口，連少飲咖啡嘅我都覺得唔錯。而布丁口感比坊間食開較為挺身，正常發揮。巴斯克 $65迷你巴斯克芝士蛋糕適合二人分享，入口芝士味香甜，口感軟熟。冷萃茶 $55選用正山小種紅茶泡製嘅冷萃茶，聞落同樣好香，味道帶點果香同酸度較高，感覺幾特別。