花火漁屋 (已結業)

屯門花火系列新餐廳之前食過”花火和食”，日本餐廳咁嘅價錢質素都唔錯，今次呢間”花火漁屋”見新開冇幾耐，就再試一試，因為呢度除咗有日本野同魚生食，仲有咖啡飲㗎。環境新裝修，唔會太迫幾好坐。午市都多人食，不過好快有位，叫咗一客原條鰻魚定食。味道同出面收你二、三百蚊嘅專門店差唔多，佢百幾蚊仲有飲品送，特飲都係半價，我就叫咗杯薰衣草拿鐵。佢仲有魚生飯同壽司🍣，最貴都係$150到，已經有海膽食，不過等下次先入嚟試喇。