花火漁屋 (已結業)

今日入屯門山景邨搵食，一試呢間花火漁屋，估唔到屋邨商場內藏一間幾有水準嘅日式食店😎佢哋晚市有個二人前套餐，原價$488，而家優惠價做緊$388，相當抵食！柚子青瓜海草沙律夏天食柚子沙律，好醒胃嘅前菜👏五式刺身盛刺身盛有五款，講到明由廚師當日即場發板，等大家冇得估🤣帶子好肥美，三文魚、油甘魚非常厚切，整體水準幾高，食材新鮮😀花火壽司盛(小)壽司盛話就話係(小)，但俾到8件咁多，食完刺身唔使食太多件壽司，8件兩個人食就啱啱好喇😃二人前串燒(五花腩、雞翼串、車厘茄串、冬菇串)食完生冷嘅刺身、壽司，直落食串燒😝五花腩燒得好鬼香口，食到豬腩肉應該有嘅油脂感🤪雞翼調味亦出色，表皮好香脆😜冬菇好入味，車厘茄可以解一解膩😄炸魷魚軟骨香口小食，間唔中食下真係幾過癮😬東京風汁燒牛肉主菜三選一，我揀咗東京風汁燒牛肉🤩簡簡單單調味，醬汁調配出色，牛肉好有牛味😍而且份量俾得好足，絕不欺場🤪跟餐兩份烏冬燒三文魚頭呢個散叫，唔係套餐入面嘅🤣大大隻三文魚頭，燒得好香口！炒雜菜前面食得太多肉類，叫返個炒雜菜平衡返😆兩杯跟餐飲品，分別有菠蘿蜜桃冰茶同埋蜜桃梳打！最後仲有個甜品埋尾，好滿足嘅一個二人套餐👏👏