影片
更多
2019-05-30
256 瀏覽
今晚難得同家姐撐枱腳，梗係要搵間又靚坐得又舒服嘅餐廳啦。呢間餐廳開幕嗰陣已經好受歡迎，成日見倒人post相！都嚟過呢幢大廈食飯幾次，但原來喺高層嘅風景真係好唔同，一望無際，仲望倒海！餐廳嘅佈置都好浪漫，掛滿燈飾點綴。雖然見到餐牌樣樣都想食，但因為驚食唔晒，所以最後叫咗兩個前菜、一個主菜同埋湯，再留返個肚食甜品！是日餐湯係周打蜆湯再配香草包，香草包食落好軟熟，周打蜆湯好creamy仲有好多配料。牛油白酒煮藍青口配薯條，青口嘅醬汁微辣加上辣肉腸同番茄，好有風味！粗薯條新鮮炸起熱辣辣，好脆口香煎蟹肉餅配藜麥蛋黃醬，蟹肉餅好大嚿咬落全部都係蟹肉，配埋蛋黃醬有多一重風味！餐廳好細心，用個小工具裝住檸檬，咁就唔需要整污糟隻手黎唧檸檬汁。主菜我哋要咗意大利手卷意粉配野菌、辣肉腸及巴馬臣芝士。醬汁我覺得有啲似青口嘅醬汁都係辣辣地，不過加咗芝士就可以中和返個辣味，仲有好多款唔同嘅菇類。最後當然唔少得甜品啦！檸檬意大利軟芝士泡沫配野莓雪葩，底層係乾冰，好夢幻！泡沫雖然用芝士造成，但加咗檸檬所以食落好清新，亦都好幻滑！雪葩食落有不小果肉，好輕盈，食多兩啖都唔驚肥。甜品仲伴有一小杯紅莓汁，配埋一齊食令莓味更突
都嚟過呢幢大廈食飯幾次，但原來喺高層嘅風景真係好唔同，一望無際，仲望倒海！餐廳嘅佈置都好浪漫，掛滿燈飾點綴。
雖然見到餐牌樣樣都想食，但因為驚食唔晒，所以最後叫咗兩個前菜、一個主菜同埋湯，再留返個肚食甜品！
是日餐湯係周打蜆湯再配香草包，香草包食落好軟熟，周打蜆湯好creamy仲有好多配料。
牛油白酒煮藍青口配薯條，青口嘅醬汁微辣加上辣肉腸同番茄，好有風味！粗薯條新鮮炸起熱辣辣，好脆口
香煎蟹肉餅配藜麥蛋黃醬，蟹肉餅好大嚿咬落全部都係蟹肉，配埋蛋黃醬有多一重風味！餐廳好細心，用個小工具裝住檸檬，咁就唔需要整污糟隻手黎唧檸檬汁。
主菜我哋要咗意大利手卷意粉配野菌、辣肉腸及巴馬臣芝士。醬汁我覺得有啲似青口嘅醬汁都係辣辣地，不過加咗芝士就可以中和返個辣味，仲有好多款唔同嘅菇類。
最後當然唔少得甜品啦！檸檬意大利軟芝士泡沫配野莓雪葩，底層係乾冰，好夢幻！泡沫雖然用芝士造成，但加咗檸檬所以食落好清新，亦都好幻滑！雪葩食落有不小果肉，好輕盈，食多兩啖都唔驚肥。甜品仲伴有一小杯紅莓汁，配埋一齊食令莓味更突出。
火焰朱古力球。呢個上枱嘅時候見到係一個朱古力波。之後店員淋上rum酒再點火，跟住就會慢慢燒溶朱古力露出內裏既雪糕同埋朱古力蛋糕。甜品用上黑朱古力所以整體唔會太甜
估唔到喺旺角都可以搵倒間又有景睇又有好野食既餐廳
張貼
