一遊

營業中

休息中

晚上去左呢間係尖沙咀嘅居酒屋食野飲酒。飲品先叫左杯黑啤同柚子梳打，黑啤重麥味，易入口，柚子梳打幾fresh。前菜點左溫泉玉子，成粒食好滑。仲點左牛油果沙律，熟度啱啱好。接住係廚房推介嘅壽司併盤，有十件唔同款式嘅特色壽司，件件都幾靚。魚生種類都幾特別，魚肉偏爽口。熱食點左柚子豚肉石頭鍋，石頭鍋入面仲有啲豆腐同蔬菜，柚子味冇想像中咁重，暖暖地飲返碗湯幾舒服。呢間餐廳環境幾靚，坐得幾舒服，同朋友傾下偈飲杯酒幾開心。