黑木亭居酒屋 (金馬倫道)

想食日本野，又冇得去日本，好想食刺身、食壽司、食串燒，發現咗呢間新開嘅居酒屋，我要食食食。好，坐低睇吓有咩好食先。鮮蝦青蘋果沙律，啲沙律菜夠新鮮，上面舖左蟹子，最重要係有沙律醬，越食越肚餓。三點刺身盛，有三文魚、油甘魚、劍魚腩，色澤紅潤光澤，唔錯。磯煮鮑魚，切好一片片，識落柔軟，容易入口。鹽燒黑豚荔枝卷，一片黑豚肉包住原粒荔枝，食落好清新嘅感覺。麻辣牛肋串，下面有雞蛋醬油，加埋一齊食，牛肋咬落索索聲。法式羊仔架，燒得唔錯，肉質夠柔軟，唔會太羶。吉列海鮮炸串，炸得好香脆，熱辣辣上枱，有蠔、蝦同埋帶子。鵝肝青瓜帶子海膽卷，岀面有原粒帶子，裡面配青瓜，卻又冇違和感。