吉利日本美食 (已結業)

適逢本小姐11月同媽咪同月生日，我地一家三口希望食好D，就決定去吉利食好西。本來滿心期待，但最後有點失望而回。首先，食物質量當然無話可說，因為真係全部由日本直送，連wasabi都係日本山葵師傅研磨出黎。不過真係因為得一個師傅，每道菜之間要等差不多半個鐘或以上，就算侍應一早已經溫提過需要點耐性，但講真，都唔係咁耐吧？8點9坐落，差不多一個鐘頭之後先有個前菜（毛豆）食下，係咪適合退休人士多d呢哈哈？我自問真係未試過等一粒鐘仲未有一樣野到肚。貴為日本四大名魚之一的喜知次魚，需要落深海捕捉，珍貴稀有程度令佢被稱作「日本的紅寶石」。果然肉質鮮甜有彈性，好好既體驗啊！九十九島蠔，清淡，不過不失。呢個真心麻麻，成600蚊食咁細隻雞，仲要無風沙雞咁嫩口。不推薦。好膠不好吃。總括而言，我不會希望再來，呢個價錢可以喺其他日本餐廳食得唔錯，起碼最基本唔需要等寂寞到夜深。建議吉利真係請多個人，如果唔係幾有心機，食物幾有質素都被大打折扣。