80
7
13
港鐵堅尼地城站 C 出口, 步行約3分鐘 繼續閱讀
電話號碼
28181923
開飯介紹
餐廳細小有日本風格,師父用心製作,不定期關門赴日本嚴撰優質食材。 繼續閱讀
營業時間
星期一
全日休息
星期二至日
18:00 - 23:30
付款方式
Visa Master 現金 銀聯
座位數目
29
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
招牌菜
仙台蠔壽司 北海道本鱈場蚧 玉子壽司 沖繩夜光貝 松葉蚧蚧膏壽司 漁師製煮鮑魚
食評 (112)
已經聽過吉利呢家日本餐廳好多次,但就一直都冇食過,今次趁佢就快結業就來試一次。星期六晚來到,唔算人多,可能因為比較早,六點幾就來到。本身book左七點鐘,都可以一入到去就有位了。第一次去到,有位非常有禮貌既姐姐serve我,坐底之後就好快開始介紹今日既餐牌。姐姐可以完全唔睇貓紙,非常流暢地背左當日餐牌上既所有菜式俾我聽,仲要講得出邊啲海鮮係來自咩產地、口感、味道係如何,真係好專業。之後就點菜,點左海膽軍艦、魚子軍艦、蟹膏軍艦、豆腐軍艦、溫泉蛋軍艦、鮑魚、蠔、鰻魚、半隻凍蟹,最尾佢仲送左個魚湯(食蟹之前飲)同埋最後食既甜品,紫薯雪糕。點完菜後,師傅就會即刻開始做。等既時間唔算耐,大概十五分鐘就開始有軍艦食了。係等既其間叫多左兩杯梅酒,梅酒被溶化左既冰稀釋左之後更好飲。之後每道菜都係逐一上的。可以慢慢食、品嚐清楚食物既味道。海膽軍艦: 非常鮮甜香口。我本身唔多食生野都非常容易入口。魚籽軍艦: 魚籽係經師傅用醬油餣製過的,係出面一般一定唔會食到呢個味道,值得一試。蟹膏軍艦: 蟹膏味道非常濃郁。簡直好似係食緊鵝肝醬既感覺,不過係非常鮮甜既蟹膏味。豆腐軍艦: 豆腐係師傅用黃豆自己磨,自己做既豆腐,味道比較清甜,口感似慕絲。溫泉蛋軍艦: 蛋黃可以做到非常平均地似花生醬既質感。另外仲配左梅味醬汁,酸酸甜甜,非常開胃。鰻魚不是我地平日食果種蒲燒鰻魚,而係師傅用鹽餣好新鮮既鰻魚再煎的。鰻魚本身脂肪比較高,當然非常肥美,魚皮煎到好脆口、魚肉都好鬆化。配上日本非常濃味既小蕃茄,簡直一絕!鮑魚算係前菜: 師傅一早慢煮好,然後凍食。估計鮑魚未切片前約有一個成年女性手掌咁大,但係就完全冇一part係被煮韌的。整隻鮑魚非常入味而且柔軟。最驚喜既係另一小碟上上左鮑魚既肝。從來都唔知道完來鮑魚既內臟係可以食既,而且味道非常不錯。將鮑魚肝包塗係鮑片上面食更和味。食蟹之前, 師傅送左個魚湯俾我地暖胃。魚湯味道好鮮甜,入面仲有南瓜同蓮藕。到左最期待既凍蟹,兩個人叫半隻就好夠了。蟹係從日本即日空運過來再煮同雪凍的,所以一定要預訂先有得食。蟹要從腳食起,再食到身。蟹腳既肉非常結實飽滿多汁濃味,反而蟹膏唔算多,但就有蟹血,好似蛋白咁,非常鮮味。食完蟹之後就上左個湯蠔,湯非常鮮甜,蠔都有半個手掌咁大隻。特別既地方係佢做到外熱內凍,外熟內生,保留到蠔本身既鮮味,唔會收水。最後食既就係甜品,自家製既紫薯雪糕。紫薯味雖然唔算好重,但口感好簾口,似土耳其雪糕,幾特別。食後感想: 雖然唔係平既一餐,但絕對值得一試。餐廳服務非常非常好,店員有禮貌,食物質素高。好有人情味、值得一試既餐廳。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-01-27
1308 瀏覽
響香港食過好多日本料理,大都冇嚟文味,所以以前返屋企日日都行過吉利,見只是小店一間,完全冇意欲要去一嚐。直至幾年前,居然幾次見到一些重量級的名人(真係一線名人)從店內行出嚟,就諗,這間店都幾堅,於是單人匹馬去試菜。過到我第一關先再同鄉親父老嚟過。結果係唔止合格,而且超出我想像。今晚,阿媽生日,真係不敢怠慢,所以一早在吉利訂好位,希望一家人開開心心食一餐生日飯,最後當然冇令大家失望!阿媽食嘢好挑剔,可能佢小時候住在海邊,佢話以前啲鄰居一早就划小艇出海打魚,清晨還在睡夢中,就聽到從海中傳來「叮叮叮」漁民敲船趕魚的聲音,打上嚟嘅魚冇腥味,佢形容係「一陣陣海水嘅香味」,可能她走過食到真味嘅歲月,所以佢唔多喜歡出街食飯。佢話而家出街食飯要講平衡,唔一定要樣樣係絶味,因為已經唔係佢以前個年代。現今食到新鮮,口感舒服,味道不落俗套(這個最難做到),腸胃有好反應的就係好餐廳,而吉利就係一間這樣的餐廳。註:1.吉利的餐具同食物一樣講究,手工十 分精緻。2.他們的營業日也非常有個性,每年都會有幾次不定時放大假,據說係店主去咗日本充電,同搵新食材。唔想撲空,去之前最好打個電話睇下有冇放假先。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-12-25
940 瀏覽
記得第一次嚟呢間鋪頭係20年前嘅事。以前我就覺得個蟹膏壽司冇得頂!今次朋友又想試吓,咁就一於再嚟回味一番!估唔到今時今日嘅吉利除咗蟹膏壽司能夠保持水準之外,其他食物係感覺到有心思又有創意。今次食完簡直感覺回味無窮啊⋯⋯首先店員推介喜知次,本身呢種魚係出邊食都比較貴。師傅能夠將魚有技術香煎左表面,之後點一啲海鹽食,新鮮嘅程度簡直冇得頂。加上用咗金箔裝飾,成件事簡直係令食慾嘅感覺昇華!剩下嘅魚肉用嚟煮清湯,鮮甜得不得了。跟住就叫咗三款壽司,包括海膽壽司,豆腐壽司,蛋壽司!全部材料係北海道直送,用齒頰留香來形容絕對唔過態。壽司我哋仲再食多一轉呢。其次就試吓一個蟹肉湯麵,都非常鮮甜。順帶一提,條魚嘅其他部份包括魚肝亦都將佢燒成佐酒小食,食好嘢當然要叫翻個石榴酒飲下啦,果然感覺清新!成件事簡直加晒分啦。最後梗係要食返個甜品,畫返個完美嘅句號啦。甜品味道OK,相對主菜就當然唔係咁特別啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-12-08
656 瀏覽
我生日一定去吉利!天然虎河豚料理- 虎河豚是河豚中頂級,魚經過熟成處理,香味四溢,口感豐富,半滴淡醬油,肉味全引出了! 魚骨熟食鮮甜。廚師把烤過的魚鰭放在清酒給我們品嚐,配蒸熟的虎河豚皮,我以為食緊花膠!! 再加上岩鹽燒虎河豚白子,入口溶化,感覺好像在食香濃的忌廉一樣!整套料理和我在「下関高級河豚料理店」是一樣的。順帶一提,天然和養殖的味道的確是十萬級分別!!當然還要師父經驗的處理。漁師煮鮑魚-大大話話在吉利食了八年,每次食這鮑魚,真是幸福滿瀉!丹波豆腐壽司- 自家製,豆濃味美,服務員再三提醒勿點醬油。香燒藍鰭吞拿魚肝卷-我的至愛!超級正!京都白醬油煮松阪豚手-我連汁也喝清,一分錢 的確一分貨,用心之作!九十九島蠔-本人一直不太喜歡日本蠔,但每次來吉利,不知不覺一定點的,那自家製的梅汁,真的和蠔味恰到好處。燒山口縣黑栢雞-皮脆肉嫩,燒熟的程度無話可,低調而特顯了那份心機。根室本鱈場蟹- 太多食評讚美,我也不多説,必食!🔷🔷P.S.用餐當日滿座,相信要欣賞吉利這師父的心機真的要耐心等候,不過我可以告訴你,我也試過平日不是滿座的時候來,等候時間也不會特別縮短,因為吉利這個師父只會慢慢用心做,那會理你満不満座!我亦深信好的東西是要等待的,來這裡也是欣賞他的原因。想快而沒有要求的話,應該去迴轉壽司店吧!一定快比你! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-12-02
502 瀏覽
人類最脆弱的部分只有通過最原始的方式才能滿足這就是食物的力量! 夜光貝刺身:極有嚼勁的螺肉搭配起日本伊豆海鹽的純麻油這種味道真不可思議,讓人不禁想一口接一囗。原來雌性螺肉才是這種口感,系日本都食不到這個味道,這里的廚師處理的很好! 鹿兒島琵琶蝦刺身:咁樣生食龍蝦真的很豪邁呀,D肉卷得好靚,好似朵花咁,食落爽得來又清甜,非常新鮮! 豆腐壽司:廚師用日本國產豆同鹽𠧧自家製的,這可以話是我第一次食豆腐食到它自然樸實的味道,它不是你平時食開豆腐的感覺,很有趣值得嘗試! 季節性燒香魚:原子筆咁大條啫,天然魚就是不一樣,燒到連魚的內臟都可以食埋,甘香的,我知道如果養殖的就好大陣泥味! 燒鱧魚:淡淡金黃色若隱若現令人一看就有食欲,這必定要很有心機才能處理到外脆內松軟,果然是名師出名物! 白醬油煮豚手:原來是來自京都的白色醬油加上松阪產的黑毛豬手,熱騰騰上枱,好滑好粘口,再吮埋D骨,好回味。最后碗里的汁凍咗凝固了,侍應提醒一定要食,這更是別有一番滋味,可想而知這是有多麼豐富的膠質!山囗縣黑柏雞:燒得恰到好處,走地雞的味道始終是不一樣的。皮脆肉嫩多汁!焼虎河豚白子:和忌廉一樣的香濃嫩滑!鱈場蟹:半只,2個人啱啱好,味道超乎想像⋯總之來到不食蟹是損失!也不得不佩服廚師的刀法,蟹蓋好多釘,好硬,竟然切得如此漂亮。餐廳細而窩心,坐滿也不超過20人,只有兩個女侍應,連中途掉咗筷子她們也能立刻递上,非常細心!重點是這里唯一的一個廚師是香港人,他每出一道菜也明顯精心鋪排,食物同皿器形成一體,令到眼睛也在享受,我不敢相信今時今日能有這樣工作態度的香港人。是香港人的驕傲! 繼續閱讀
(以上食評乃用戶個人意見 , 並不代表OpenRice之觀點。)