上海廳1930 (已結業)

媽咪好鍾意食上海野，我呢，就其實鍾意食譚仔多啲，但係，譚仔好唔爭氣咁食物中毒，所以我最後都係陪左媽咪去食上海野哈。我地兩個都唔算係十分大食既人，加上依排天時轉涼，大家身體都有少少病，所以除左個小籠包之外，就喊左個砂鍋雲吞雞，貪佢正氣暖胃。小籠包唔是我既最愛，其實要是我揀的話，我應該會揀個生煎包，因為我比較鍾意食啲脆脆地口感既野，不過依個小籠包好薄，我都覺得幾好食。砂鍋雲吞雞就真係好飲啦，啲湯水好鮮甜，濃濃既雞湯鮮味。個砂鍋入面有成隻雞，煮耐左啲肉唔嫩，所以都係主要食雲吞為主.啲雲吞係豬肉餡既，浸滿左湯熱力滿盈，數量唔少，足以令我地兩個填飽肚子。最後我地再叫了一個甜品，就是高力豆沙。外面的表皮酥脆，入面的豆沙份量普通，味道則香甜。飽含澱粉質的高力豆沙做甜品對於細食的我們兩個來說有一點兒吃消，我們最後幾經艱難才把它們全部吃完呢！