蓮香樓 (已易手) 新餐廳

住係元朗既我,平日好少出中環。今日難得一家人都放假.梗係帶埋呀爸呀媽去試一試聞名既蓮香樓啦!!一去到蓮香樓,見到地下有賣d中式既餅,又有條長長既樓梯,感覺好懷舊feel。上到去人山人海,有個侍應叔叔見我地好迷綱,就話你地幾多人呀?坐住先啦,如果唔係無位架啦!雖然佢地唔係d咩貼身服務,但好感受到佢地係真心幫你。安定好之後,心需同侍應叔叔講要茶盅,全香港得蓮香樓仲用茶盅,雖然茶位每位8蚊,但茶盅有4份之1係茶葉,d茶葉好香好濃,真係有錢都未悌買到呀。見有點心車仔出黎,即刻出去搶。今日好好成績,搶到馬拉糕,牛肉球,棉花雞,燒賣,鳳爪,蓮容飽...... 所有點心都食得出好新鮮,蓮容飽同燒賣既味道好兒時既味道(唔知點形容),。見到呀爸呀媽好開心,好似搵返後生個時飲茶既感覺,唔只係環境,仲有食物既味道同舊式既服務(人情味)。埋單只係大約200蚊,價錢公道,唔會好似其他餐廳咁"讚"到盡,亦都唔會因為出左名而擺架子,係一間好老實同有良心既酒樓。係愈來愈少集體回憶既香港,蓮香樓可以比我地懷免一下香港歷史既味道。