呢間餐廳裝修前已經會成日去，就係貪佢環境好舒服，同朋友吹吓水飲下酒一流,個感覺真係好chill !
今次之後裝修完即刻過嚟試吓食物水準有冇更加好，果然冇令我失望！
時令海鮮燴飯 $238
會飯個湯底係用龍蝦湯嚟煮，味道好濃郁👍
時令海鮮有蝦、魷魚、蜆、帶子、鱈魚每樣都有兩件都俾得幾大方。燴飯仲比櫻花蝦、辣肉腸、橄欖包圍住，食落口感豐富唔單一，
而飯軟硬度適中不會太硬，吸晒龍蝦湯汁，好推薦大家去試下！
慢煮法國鴨胸 $148
一嚟到個擺盤已經好靚，鴨胸底用南瓜蓉來襯托，個鴨胸好粉嫩又夠淋，但有微微嘅臊味。而碟邊配有焦糖車厘子醬中和返鴨胸嘅油膩感。
炭燒蘆筍 $58
小蘆筍落夠爽口，又唔會燒到燶，配上少少燒汁識落甜甜地幾好食。
我哋當日叫左兩杯白酒🥂，令今餐晚餐畫上完美嘅句號！
