影片
更多
2014-01-09
7542 瀏覽
某日路過, 忽然聞到好吸引既燒烤香氣, 抬頭一望, 咦~ 呢度幾時開咗間叫 Mr. Korea BBQ 既韓燒店!!? 因為香味太吸引, 所以決定點都要搵日黎試佢一試!!!勁開心, 因為果頭想試, 呢頭就有團購啦~ 係 cash coupon 既優惠 ($50 Buy $100)所以諗都唔使諗, 即刻買咗 4 張~ (因為每次每人只可以用一張呢…)我同男友仔, 約定咗另外 2 位朋友仔, 呢晚………黎啦!!!!之前已經打咗黎 book 位, 去到既時候只係 7 點左右, 店仔唔大, 大約有 8 成滿~放好隨身物品入櫈筒之後, 就坐定定研究 menu!!然後, 侍應會先送上 3 碟開胃前菜, 包括: 奄薯仔 & 奄泡菜 & 奄酸蔥蒜絲, 仲有一小盤生菜片, 麵豉醬, 蒜頭片 (熱愛韓國文化既人一定知佢係比你烤肉時食)~呢間小店, 3 款前菜同生菜都可以無限 re-fill 架, 正!!然後, 每人都有一份: 醬油生洋蔥 + 韓國芝麻油~4 粒人, 都 order 咗唔少野…燒烤類:- 什錦牛肉併盤 ($358)- 豬腸 ($88)- 豬皮 ($68)- 五花肉 ($108)熟食類:- 石
勁開心, 因為果頭想試, 呢頭就有團購啦~ 係 cash coupon 既優惠 ($50 Buy $100)
所以諗都唔使諗, 即刻買咗 4 張~ (因為每次每人只可以用一張呢…)
我同男友仔, 約定咗另外 2 位朋友仔, 呢晚………黎啦!!!!
之前已經打咗黎 book 位, 去到既時候只係 7 點左右, 店仔唔大, 大約有 8 成滿~
放好隨身物品入櫈筒之後, 就坐定定研究 menu!!然後, 侍應會先送上 3 碟開胃前菜, 包括: 奄薯仔 & 奄泡菜 & 奄酸蔥蒜絲, 仲有一小盤生菜片, 麵豉醬, 蒜頭片 (熱愛韓國文化既人一定知佢係比你烤肉時食)~
呢間小店, 3 款前菜同生菜都可以無限 re-fill 架, 正!!
然後, 每人都有一份: 醬油生洋蔥 + 韓國芝麻油~
4 粒人, 都 order 咗唔少野…燒烤類:
- 什錦牛肉併盤 ($358)
- 豬腸 ($88)- 豬皮 ($68)
- 五花肉 ($108)
熟食類:- 石鍋拌飯 ($88)
- 牛肉大醬湯 ($98)
飲品- 韓國生米酒 ($唔記得)
呢度既上菜速度真係好得快.. 燒烤類當然係最先上枱既...豬腸同豬皮一上枱, 就有個侍應埋黎幫你燒…
佢會先講解, 再一邊幫你燒, 然後佢會閃走… (因為仲有好多枱客人嘛)
不過佢走開之前, 都會溫馨提示你…比如: 呢款東東食既時候配邊隻醬料…
當佢見到燒到差唔多就會黎提下你, 可以食得 / 得閒就自己反下佢… 等等~
幫你燒…係韓國人既熱情文化, 你就安然接受啦, 哈哈哈!!
講返食味…什錦牛肉併盤 – 新鮮, 有3 款肉, 其中 2 款係牛舌同牛腰肉, 另一隻就唔記得問佢係咩黎, 不過都係好味, 軟滑有咬口, 只係牛味唔太濃~
豬腸 – 有濃濃既豬味, 燒得愈耐愈好味, 感覺似食炸大腸, 但係又完全唔油無油膩感~
豬皮 – 豬味香, 一直燒到半透明狀態, 絕對有咬口, 燒到皮脆更香口~
五花肉 – 肉質唔錯, 只嫌佢唔夠肥美, 燒完之後無咗油脂, 更瘦~
一邊食烤肉, 一邊飲韓國生米酒, 真係一大享受, 呵呵~
生米酒 – 味甜, 酒味淡易入口, 男女都啱飲!! 不過千萬唔好以為甜甜地, 就睇少佢既酒精含量呀, 飲幾碗之後都真係會面紅紅的, 哈哈~
半燒半食既途中, 熟食都源源不絕上枱, 圓形既小枱……全滿!!!
石鍋拌飯 – 熱呼呼, 香氣撲鼻, 加上韓式辣椒醬拌勻, 色澤更加吸引, 重點係….有超好味勁脆脆既飯焦!!!!! 唯一不足係….辣椒醬, 不過我地又懶得問佢再拎囉, 哈哈哈~
牛肉大醬湯 – 超熱唔辣, 湯入面有豆腐, 大蔥, 牛肉粒, 脆肉瓜粒…等等, 拌勻白飯之後, 就係一個好美味又飽肚既湯飯嚕~
又開心, 又滿足既一餐… 如果再有 cash coupon 團購, 我都一定會再買, 嘿嘿~
當然, 平時都會再黎既, 呢度真係好好 service 呢~
題外話/補充資料：
溫馨提示: 成間店好似出就只有一個香港侍應姐姐, 其他都係韓國人, 雖然佢地都識聽 / 講少少, 不過你最好預咗用英文對話啦~
不得不提, 真係要讚呢度既侍應, 超 nice 又好禮貌!!!
因為之前 book 位之後, 我同朋友仔都分別途中有事, 所以前前後後改過 3 次 booking…
真係改到我都唔好意思…. 但係佢地都仍然好有耐性, 好有禮貌, 而且仲打電話提我添…NICE!!!
(以上食評乃用戶個人意見 , 並不代表OpenRice之觀點。)
張貼
