La Postre (厚福街) (已結業)

今日同朋友仔去左尖沙咀行街~一如以往，去到食飯時間，兩個人無idea食咩就會決定去厚福街!去到厚福街，見到呢間地舖外表幾靚，睇埋個menu就決定入去啦~一開始以為呢間係正式既西班牙菜...細看menu先知原來唔係架!!係Fusion西班牙菜~ 好多菜式都唔係傳統西班牙菜~因為我地得兩個人既關係所以我地只叫了兩個main course同兩個飲品~首先係 松葉蟹蕃茄意粉上面個蟹蓋，係有濃濃既蟹膏架!!!意粉入面有好多蔬菜粒，好似有zucchini, 矮瓜, 蕃茄等等mix埋好好食! 意想不到咁match!之後上菜既係 海膽意大利飯~睇落個樣有啲日式~意大利飯好杰身，好濃郁~加埋新鮮海膽都好好食~但有少少滯~ 如果多幾個朋友share會好啲!飲品方面，我就叫左杯水果茶!無乜大驚喜，不過不失啦~但最值得一提，係呢度既service!侍應們都係禮貌超好的!比日本餐廳更加貼心~~