Darts 1 Bar & Restaurant (已結業)

環境真係好迫!加上本身佢係一間bar,d音樂真係好難頂!未食過半自助餐係咁差!生蠔好瘦,唔夠甜,唔夠鮮同埋幾咸!魚生還可以,不過其他野食就.....d蟹唔新鮮,d肉好"梅"個黑松露湯,,,,我覺得似普通既雜菌湯囉!青口,當冷盤就唔錯!可惜無啦啦加左個汁,好唔夾味!鰻魚炒飯,好腥,又凍!係d甜品整得較好!仲有d火腿,算係最好味!不過戲肉都未到...唔講唔得,食個主菜.係羊仔膝...竟然係白烚加個汁就算,成碟野好多水,d薯蓉....好似食薯仔皮咁苦苦地諗住飲下野啦,點知佢d可樂冇氣仲要溝左水,可樂姐,唔好咁丫,一支1.25公升都只係12蚊左右....我而家飲你一杯....算得係d乜呀!團購攪得咁差真係唔好攪,每次拎野食都要排隊,朾身 生蠔雖然係任食,不過係出左2次咋!每次都勁多人排囉!7點幾到左要等到8點先食得,9:15pm就冇得食架喇!所以食得好少野......講真比百幾蚊食li d野,我寧可去食放題,食打邊爐!我奉勸大家唔好抱太大期望,求期當填飽就算!加埋成二百多d.我比多幾十蚊去食d平價酒店自助餐好過。想長做,真係考慮下做好d,如果唔改善,只會越多人唔敢去!