% Arabica (天星碼頭)

營業中

休息中

星期六連住10月1日Long Weekend，尖沙咀人山人海。喺中環坐完船過嚟，天氣又悶熱，霎時之間醒起Arabica%係附近，就決定朝聖吓。（每次經過IFC分店都有衝動想飲，不過真係太多人排隊啦）Menu要係Cashier個到先有得睇，飲品選擇並唔多，所以都可以好快就決定到，分別叫咗一杯凍同埋熱Caffe Latte，Tall Size $45，其實都算小小貴。雖然買嘅人都好多，不過有3個Staff，所以嘢飲都可以好快就有。鋪頭好整齊，就算有小小被整亂咗，Staff都好快就會執返好D嘢。舖面都幾細，只有一張長櫈大約可以容納6個人，另外鋪頭出邊有啲高嘅細枱放咗係到，方便客人打卡影相。我對咖啡認識唔深，不過都知道自己唔係太喜歡飲帶酸味嘅咖啡，而呢一杯我覺得都幾啱我口味。除咗本身咖啡濃度啱口味之外，牛奶泡沫都好幼滑，熱Latte飲落去個温度啱啱好。