Allegretto (已結業)

之前都去過呢間咖啡室食晏，試過出名既3D咖啡，係幾得意不過要等好耐，黎呢間係覺得佢既咖啡比連鎖店既好飲，而且無乜人，但依家愈來愈多人喇！上次等3D咖啡仲等左多過半個鐘，所以今次都係揀佢d set lunch 算。Set lunch都唔算太貴，不過餐牌成日都會轉。今日係鮮茄蟹肉意粉、carbonara、蘑菇雞肉批同烤三文治，前菜有沙律或湯，飲品有咖啡或茶，價錢大概八十幾蚊。我點左沙律，話係凱薩沙律，但一d都唔似⋯⋯主菜揀左carbonara，芝士味唔夠香，個味其實似白汁意粉，而且賣相都麻麻，太濕喇⋯⋯飲品加左五蚊轉泡沫咖啡，咖啡係全個餐最好既。奶泡滑而且咖啡味夠，野食不過不失啦，都係黎飲咖啡比較好。