麻浦元祖 (已結業)

尋日食完牛扒意猶未盡，今日一於叫男朋友同我食韓燒！男朋友話之前喺尖沙咀食過呢間麻浦元祖唔錯，所以我地就去左食呢間喇。一黎到男朋友話呢度同以前唔同哂，重新裝修過，而且仲可以食放題。有得任食當然正啦，而且價錢都唔貴，仲可以揀食幾耐，好有彈性開頭都有少少擔心放題既食物質素會無以前咁好，點知又唔係喎！呢度放題既食物種類好多，而且質素都唔錯！而且仲有爐邊蛋同芝士食，真係超正！我地叫左特上王牛排肉，牛肉味濃，啖啖肉又夠淋！肉眼排，係薄切既肉片，但雪花超靚！燒一燒就食得！必食！韓燒必食既五花腩！牛脷都有得任食！比較特別既係護心肉（左），真係好少地方可以任食！想食套餐都可以