金玡居

營業中

休息中

金玡居趁今日假期，走去故宮文化博物館走返轉，行到有少少肚餓，見到呢度有三間餐廳，決定咗食呢間.由於假期關係，所以三間餐廳都大排長龍，等咗大約15分鐘，終於有位，餐廳樓底好高，而且有落地大玻璃俾你一路食住嘢，一路欣賞海邊嘅風景。安格斯牛肉麻醬拌麵安格斯原來係肥牛，不過肥牛份量都幾多，而且麻醬亦都好多，兩樣加埋都幾夾，不過食到好口乾。黃金雞湯貴妃面個面份量適中，不過去到嘅時候侍應話豉油雞賣晒，要轉蔥油雞，不過我就冇所謂，上菜嘅時候賣相都幾吸引，不過略嫌啲雞有點薄，價錢唔值得咁貴，而且個湯有啲淡。鹽酥雞有六件，性價比高，味道就正常發揮啦。宇治抹茶奶茶甜度可以自由選擇，今次揀咗7分糖，感覺啱啱好，不過略嫌啲冰多咗少少，下次會記得嗌少冰得啦。檸檬冬瓜茶呢個甜到冇得自由選擇，不過夏天嚟講真係幾解渴，幾消暑㗎。