餐廳面積唔大，全部單丁位，單邊大玻璃窗自然光照晒成間餐廳。
主打海鮮丼，唔食生野嘅有燒牛肉丼👌🏿全部丼飯都係$100有找，唔會肉赤。可選配白飯/壽司醋飯/半白飯半菜/加$5轉沙律，幾彈性。
2
叫碗「招牌海鮮丼」大盛，有三文魚籽、鰻魚、三文魚、小貝柱、八爪魚、吞拿魚、蝦、玉子同青瓜。
刺身出手唔孤寒，新鮮唔會有雪味，日本米口感對板。醬汁4選1，愛重口味揀咗”香辣蛋黃醬”，記得落少少就夠，唔係就會遮晒刺身味同鹹得濟🤭大盛個份量啱啱好，我清晒一粒飯都冇剩。
額外加錢加topping加咗溫泉蛋同明太子📣
