紅茶冰室

營業中

休息中

服務態度好差，亂帶位，位置安排非常擠迫。waiter一係同你講普通話，一係講啲聽唔明既廣東話（算啦多年譚仔經驗食客都ok既）。佢一見我行去倒杯水（個侍應叫我自己去斟），就一輪嘴普通話鬧，我叫佢唔好同我講普通話，佢會大聲鬧你唔尊重佢；有時好人喇就番佢，叫佢用普通話，佢又堅持用廣東話聽力訓練我地食客，笑死，無下次。西多士出品可接受，花生醬香味夠，炸得都乾身不油膩。燒鵝就凍冰冰，肉質ok，但唔香口，十分麻麻，之前叫燒腩仔飯都唔脆唔熱，呢間燒味好唔掂。算啦，好吃的茶記周圍都有，無謂去呢度啦。