点心代表 (已結業)

我倆七點半到達，拎飛等位，等三十張枱，等到八點半終於有位，坐上bar枱。其實餐廳唔大，眼見好多加櫈坐到出去路邊咁滯，亦有露天位。Order左五款點心一款甜品，茗茶選人參烏龍茶最近點心代表crossover蛋黃哥，雖然她不是特別鍾意，但見每枱都嗌一籠，我地又嗌。揾筷子篤穿佢個口，再用力一夾，會有嘔奶嘅效果味道不錯，略嫌唔夠流心，不過外貌加分！腸粉裡面包住蝦春卷，足料，只個就春卷皮林左咬落好爽口，唔油，墨魚子好香好甜每隻蝦餃裡面起碼有三舊蝦，好爽口！！推介另外嗌左蒜香蝦春卷，同春風得意卷入面條蝦春卷一樣，不過就脆好多，建議大家嗌淨蝦春卷！甜品係柚子茶凍，即係啫喱。賣相幾好，不過食落好澀，唔知係塊柚皮影響定係其他原因總括黎講，如果唔係蛋黃哥Fans的話，排一個鐘隊的確有啲唔值，等熱潮過後再來食過吧！