海陸空

營業中

休息中

知道閨密最近工作壓力大，帶她去食下嘢傾下計放鬆下，我哋去咗尖沙咀- 海陸空食韓國嘢。呢度係正宗韓國人主理，門面係咪韓印紅賣好多韓國產品，海陸空呢邊就係餐廳。老闆跟店員都非常熱情款待，一坐低就好耐心介紹比我地有咩推介，我哋好多野都想食所以叫咗幾様來Share。仲會送上幾款韓式前菜小食。🧡藥膳醬油蟹🧡好掛住韓國嘅醬油蟹呀，所以叫左一隻來食，附送一個紫菜煎蛋飯。真係好正☺️食落好鮮甜又多肉多膏，撈埋個紫菜飯食一流。🧡韓式海鮮辣麵🧡勁鍾意佢地麵嘅質地，就算擺耐左時間索左啲湯都唔會變到好淋，海鮮材料也很多，有蟹、魷魚、蝦、青口等，個辣度有少少似辛辣麵嗰種辣，越食越惹味。🧡韓式炸醬麵🧡一直好想試正宗嘅韓式炸醬麵，見到呢度有即刻叫😄 個炸醬甜甜地、有蔬菜洋蔥豬肉等材料，拌勻佢之後食，個麵質好煙韌，好食！🧡韓式糖醋肉🧡肉的外邊炸到好酥脆裏面豬肉完全冇骨厚切啖啖肉，醬汁好特別酸酸甜甜，個汁好夾令到食落去唔會好膩。