川婆婆 (寶勒巷) (已結業) 查看

今日lunch突然好想食辣野，本來想係網上外賣平台 叫南記，但唔知點解叫唔到，所以碌碌下見到想試而又未食過既川婆婆，見有d粉麵餐就即刻試下😬揀左個兩餸麵，要左豬紅同木耳紅薯寬粉，辣度中辣。本身都擔心會有青，好在無🤭不過湯底入面係有蒜蓉既，但唔太大影響。豬紅好實淨入味，又大大舊。木耳唔算太多，但熟度適中。皆因叫左未能即時食到，其實見到d湯都索得7788，紅薯粉仍然keep到口感，呢種比較爽身既。湯底其實覺得好正，麻辣好香，麻同辣恰到好處。唔知係咪因爲辣得好味既關係，覺得如果可以大碗d就好😯男生應該唔多夠。